Tổng Bí thư, Kơdră teh đak Tô Lâm hmach hơiă kơ dôm bơngai đei pôk hơtŏk pơm Bơngai tang măt tơ̆ dôm teh đak; pơma hơdăh ‘nâu jĭ tơdrong chơt hơiă hơdai hăm kŭm jing hơnăp jang tih tên mă Đảng, Teh đak păng kon pơlei pơjao ăn. Dôm Bơngai tang măt ưh khan lăp jing gơng tơƀưh, mă oei athei jing dôm bơngai tơpă tơlĕch trong jang đơ̆ng Đảng, teh đak, jĭ dôm bơngai iung jang lơ̆m tơdrong jang tơbôl.

Kiơ̆ lơ̆m jơhngơ̆m đon ‘noh, Tổng Bí thư, Kơdră teh đak Tô Lâm athei dôm Bơngai tang măt đei pôk hơtŏk jang hơtŏk tơiung đon “pơm tơngla kơdih, đei đon lui kơdih, hơdrin kơdih, chhôk ‘nă hơdrĕch hơdrŭng”, hơtŏk jơhngơ̆m đon jang tơbôl chăl ‘nao tơ găl hăm tơdrong hơiă jơhnơr hơrih, joh ayŏ păng anih dơ̆ng chĭnh trĭ, mŭk drăm kơ teh đak, hơtŏk ‘lơ̆ng hơnăp jang, anih dơ̆ng đơ̆ng Việt Nam lơ̆m tơdrong jang chĭnh trĭ apŭng plĕnh teh.