Đơ̆ng rŏng Lêh sơng tih ‘năr dơ̆ng ‘năr 07/10/2024 (kiơ̆ jơ tơring) tơ̆ Điện Elysée, Paris, Tổng Bí thư, Kơdră teh đak Tô Lâm hlôi pơma đam hăm Kơdră tơm Emmanuel Macron. Tơ̆ pơma đam, 2 kơdră chĕp kơ̆l hlôi pơma dơnuh tôm tơdrong găh tơdrong mŭk drăm - tơpôl 2 teh đak, tơdrong pơvei jang hơdai 2 pang păng dôm tơdrong tơring, apŭng plĕnh teh vang bơngơ̆t truh.

2 păh drơ̆ng nơ̆r hơtŏk loi dơ̆ng pơma dơnuh khŭl rim kơdră, mă loi ‘noh jĭ kơdră kơpal kiơ̆ dôm hơnih Đảng, Teh đak, Khŭl kơdră teh đak, Quốc hội. 2 kơdră chĕp kơ̆l drơ̆ng nơ̆r tơchơ̆t hơdăh hơtŏk tơdrong pơvei tŏk Jang hơdai gĭt kăl tôm tơdrong păng drơ̆ng nơ̆r dôm trong jang tih vă hơnhăk tơdrong jang hơdai gĭt kăl tôm tơdrong Việt Nam -Phalăng roi ‘năr roi yak jrŭ, ‘lơ̆ng, lăp hăm tơdrong jang hơdai đơ̆ng 2 teh đak lơ̆m tơdrong ‘nao. Hăm tơdrong tơchơ̆t âu, Phalăng jing teh đak mă blŭng lơ̆m EU đei pơvei Jang hơdai gĭt kăl tôm tơdrong hăm Việt Nam.