Tổng Bí thư, Kơdră teh đak pơma hơdăh, dôm anih jang nội chính đei anih dơ̆ng, hơnăp jang gĭt kăl, jĭ khŭl jang tơm dơnơm, mĭnh jơhngơ̆m đon vă vei lăng Teh đak, vei lăng sơđơ̆ng lơ̆m tơpôl, vei lăng Kon pơlei, vei lăng Đảng, Teh đak păng chăl chĕp kơ̆l pơgơ̆r. Lơ̆m khei ‘năr âu ki, dôm anih jang nội chính hlôi đei lơ hơdrin, đĭ jơhngơ̆m, iŏk đei lơ jơnei tôch kơ gĭt kăl, pơm ăn lơ tơdrong hơiă ‘lơ̆ng.

Pơma hơdăh găh hơnăp jang tơ̆ ning mônh kơnh, Tổng Bí thư, Kơdră teh đak athei dôm anih jang nội chính athei băt khôi luơ̆t mă kơjăp, bơ̆jang mă hơlen păng pơm kiơ̆ ƀlep tơdrong jang, hơnăp jang đơ̆ng kơdih; tơdra hơdrol ƀlep tơdrong; tơtom jang tơgŭm ăn Đảng, Teh đak dôm trong tơ jur jang, tơdrong jang tơgŭm, trong jang đei gĭt kăl lơ̆m vei lăng teh đak, vei sơđơ̆ng teh đak, sơđơ̆ng tơpôl, pơjing Đảng păng khŭl jang chĭnh trĭ rơgoh, pran kơjăp, pơvih ‘lơ̆ng hloh ăn hơnăp jang hơtŏk tơiung mŭk drăm - tơpôl kơ teh đak.