Kơvang pơkao kơ Khul chih chư “Kơdră Hồ Chí Minh, Kơdră kơ kon pơlei Việt Nam ling lang oei hơrih”. Adrol kơ noh, lơ̆m năr mă blŭng kơ ‘măng năm tơmang, Tổng Bí thư, Kơdră teh đak Trung Quốc Tập Cận Bình hlôi pơma đam kơpal jơnei keh kong hăm Tổng Bí thư Nguyễn Phú Trọng vă tơlĕch trong jang hơtŏk hloh Tơbôl jang hadoi tôm tơdrong Việt Nam – Trung Quốc.

Tổng Bí thư Nguyễn Phú Trọng păng Tổng Bí thư, Kơdră teh đak Trung Quốc Tập Cận Bình adoi pơma dơnuh dih băl ah ‘măng akŏm nhă đak hla che, vă pơm hơtŏk hloh tơdrong tơbôl kơdih kơ 2 ƀok kơdră. Ƀar ƀok kơdră hlôi hơlen lăng păng tơroi gah 36 hla bar pơkăp jang hadoi lơ̆m lơ tơdrong jang đei kĭ pơkăp đơ̆ng dôm anih jang, dôm tơring kơ 2 teh đak.