Pơma tơ̆ hop akŏm, Tổng Bí thư Nguyễn Phú Trọng pơma hơdăh, văjê̆ 40 sơnăm tơplih ‘nao âu ki, Đảng bơ̆n chĕp vei, ‘moi kiơ̆ păng tưk tơiung tơdrong ‘lơ̆ng rơgei păng tơdrong juăt đơ̆ng hơdrĕch hơdrung, chă hŏk iŏk lơ tơdrong ‘lơ̆ng rơgei đơ̆ng apŭng plenh tĕh păng đon tơchĕng lơ̆m chăl ‘nao, tưk tơiung nơ̆r tơblang đơ̆ng chủ nghĩa Mác - Lênin, đon tơchĕng đơ̆ng Ƀok Hô, pơjing đei 1 trong jang tơbôl tôch hơiă păng gơ̆h hơgei, đei ƀĕnh tơdrong ‘lơ̆ng thoi "tơm kram Việt Nam". 

Tổng Bí thư Nguyễn Phú Trọng pôk pơ ư 6 tơdrong jang đei tôch ‘lơ̆ng đơ̆ng Anih jang tơbôl kơ teh đak đơ̆ng rŏng kơ Hop akŏm jang tơbôl lơ̆m teh đak ‘măng mă blŭng lơ̆m sơnăm 2021, nhen bơ̆n hlôi pơgơ̆r hŏk pơhrăm hlôh vao kơjăp păng tơlĕch jang hrơ̆ch ‘lơ̆ng, đei yoa trong jang tơbôl đơ̆ng Hop akŏm mă XIII kơ Đảng.