Anih tơm Chinh trĭ akhan, đơ̆ng rŏng văjê̆ 10 sơnăm bơ̆ jang kiơ̆ tơdrong tơchơ̆t, Nghệ An oei dar dĕh yak tŏk vă jing Anih tơm jang găh jên hu, tĕch mơdro, chă tơmang lăng, pơtho pơhrăm, jang khoa hŏk păng kơmăy kơmŏk, jang kơmăy rơgei, jang pơgang, jŏh ayŏ kơdŏ xoang, tơplŏng kơdâu tơ̆ găh Tu Tơring Tŏk bŏk. 

Vă pơjing Nghệ An – Pơlei Ƀok Hô jing dêh char đei ƀôh kơ tĕh đak, Anih tơm Chinh trĭ drơ̆ng nơ̆r tơlĕch tơdrong Tơchơ̆t ‘nao găh pơjing păng atŏk tơiung dêh char Nghệ An truh sơnăm 2030, trong jang truh sơnăm 2045. Lơ̆m nŏh, chih hơdăh đon pơhnŏng pơm ăn Nghệ An jing dêh char đei ƀôh kơ tĕh đak, mŭk drăm jang tŏk hrĕnh păng kơjăp, đei ƀĕnh tơdrong jŏh ayŏ kơdŏ xoang ‘lơ̆ng kơ tơring Nghệ mă loi vei kơjăp ‘lơ̆ng tơdrong sơđơ̆ng tĕh đak păng tơdrong pơm tơm tơ̆ đak dơsĭ, achon kông tơ̆ đak dơsĭ, pơjing anih jang Đảng, anih jang chinh trĭ pran kơjăp.