Hơiă pôk pơjao grat 60 sơnăm jang Đảng păng hơpăh pơkao hơiă hăm Tổng Bí thư so Nông Đức Mạnh, Tổng Bí thư Nguyễn Phú Trọng pơma hơdăh, ƀok Nông Đức Mạnh jĭ kăn ƀô̆ bơngai kon kông, rơnĕh, arih xa păng jang tŏk đơ̆ng 1 pơlei tơ̆ tơring groi kông găh Tu ƀĕnh tơdrong juăt ‘mêm kơ tĕh đak, juăt jang kăch mang, hlôi bơ̆ jang lơ kơchư̆k đơ̆ng tơring truh pơm Bí thư đảng dêh char, Kơdră Quốc hội jăl IX, jăl X păng Tổng Bí thư Khul kơdră chĕp kơ̆l Trung ương Đảng jăl IX (đơ̆ng 2001 - 2006), jăl X (đơ̆ng 2006 - 2011).

Mă jang kơchư̆k kiơ, ƀok Nông Đức Mạnh hơnơ̆ng mĭnh jơhngâm hăm Đảng, hăm tĕh đak păng kon pơlei; khŏm druh kiơ̆ đon pơhnŏng, đon tơchĕng ‘lơ̆ng đơ̆ng Đảng; hơnơ̆ng hŏk pơhrăm, hơmet ming jơhngâm đon, adrin jang đang ‘lơ̆ng rim tơdrong jang đei pơjao.