Hơnih chĕp pơgơ̆r sơkơ̆t hơdăh, lơ̆m 6 khei blŭng sơnăm 2023 păng đơ̆ng jăl blŭng jăl jang Pơm lêh hop akŏm XIII kơ Đảng truh dang ei, tơdrong jang kơ Hơnih chĕp pơgơ̆r hơnơ̆ng đei tơplih pơđĭ găh tơdrong păng trong bơ̆ jang, mă kăl ‘nŏh lơ trong vă jang đei tơlĕch jang kiơ̆ kơtang, pơjing đei jơnei hơdăh lơ̆m bơ̆ jang tang găn sa pơgơ̆m pơjiưp, pơhoach brăh brư.

Lơ̆m dôm khei vă đĭ sơnăm 2023, Hơnih chĕp pơgơ̆r athei rim hơnih đảng, khul đảng, hơnih bơ̆ jang akŏm chĕp pơgơ̆r, pơrô̆, jang kiơ̆ jơnei rim tơdrong jang kiơ̆ Tơdrong bơ̆jang sơnăm 2023 đơ̆ng Hơnih chĕp pơgơ̆r păng rim nơ̆r Pơma pơtôch đơ̆ng ƀok Tổng Bí thư, Kơdră Hpơnih chĕp pơgơ̆r, lơ̆m au akŏm lơ̆m rim tơdrong jang hơnơ̆ng atŏk kơtang tơ iung pơjing, pơm pơkeh tôm tong tơdrong tơchơ̆t vă tang găn sa pơgơ̆m pơjĭp, pơhoach brăh brư. Tơdrong tơm ‘nŏh hrôih pơm pơkeh tơdrong tơchơ̆t găh vei lăng bơ̆ jang, tang găn sa pơgơ̆m pơjĭp, pơhoach brăh brư lơ̆m dôm tơdrong bơ̆ jang ƀônh đei pơm ăn truh tơdrong sa pơgơ̆m pơjĭp; găh vei lăng năng tông bơngai tơkêng, bơngai tơbăt tơdrong đe sa pơgơ̆m pơjĭp. Chĕp pơgơ̆r atŏk kơtang dăr lăng, lăng hơlen rim hơnih jang ƀônh pơm ăn đei tơdrong sa pơgơ̆p pơjĭp, pơhoach brăh brư păng tĕnh koăng pơm pơkeh dăr lăng hơlen kiơ̆ Trong pơprŏ jang đơ̆ng Hơnih chep pơgơ̆r.