Đơ̆ng rŏng mơ̆ng Kơdră chĕp pơgơ̆r Đảng hơnih bơ̆ jang Khul kơdră Teh đak tơbăt tơdrong bơ̆ jang, nơ̆r tơgop đơ̆ng rim hơnih bơ̆ jang, Hơnih tơm Chinh trĭ, Ban Bí thư hlôi pơma dơnuh păng drơ̆ng mĭnh nơ̆r: Drơ̆ng nơ̆r dôm tơdrong tơchơ̆t, hơlen găh tơdrong muk drăm-tơpôl 6 khei blŭng sơnăm kiơ̆ hla bơar tơbăt tơdrong jang đơ̆ng Hơnih chĕp pơgơ̆r Đảng Khul kơdră Teh đak: Tơdrong jang mŭk drăm đei sơđơ̆ng; kơjă tŏk jur vei lăng kơjăp; rim tơdrong hơlen đei sơđơ̆ng, teh đak hre, khul kơdră hre, kon jên bơ̆ jang teh đak đei vei lăng năng tông ‘lơ̆ng.

Hơnih tơm Chinh trĭ lăp đon hăm tơdrong jang kăl 6 khei hơtuch sơnăm, adoi pơma hơdăh mĭnh ƀar tơdrong kăl: Hơnơ̆ng jang kiơ̆ keh đang rim tơdrong tơchơ̆t, nơ̆r pơma pơtôch đơ̆ng Trung ương, Hơnih tơm Chinh trĭ, Kuô̆k hô̆i, Khul kơdră Teh đak; tĕnh koăng, tơlĕch jang kơtang dăr lăng, pơm pơkeh trong jang tơgŭm djru, khôi luơ̆t. Atŏk kơtang pơjao jang tơklep hăm klăh asong khul jang păng atŏk kơtang dăr lăng, lăng hơlen; hơnơ̆ng dăr lăng, hơmet pơ ‘lơ̆ng khul jang kơtoei, gơ̆h hơgei, iŏk đei jơnei.