Tổng Bí thư Nguyễn Phú Trọng pơm tơm hop akŏm Khul kơdră Hơnih chĕp pơgơ̆r Trung ương găh tang găn sa pơgơ̆m pơjĭp, pơm tơdrong glăi.
Thứ năm, 14:02, 23/11/2023
VOV/Amazưt tơblơ̆
VOV/Amazưt tơblơ̆
VOV4.Bahnar - Năr brei (22/11) tơ̆ Hơnih bơ̆ jang Trung ương Đảng, Tổng Bí thư Nguyễn Phú Trọng, Kơdră chĕp pơgơ̆r Hơnih jang au pơm tơm hop akŏm Khul kơdră Hơnih chĕp pơgơ̆r Trung ương găh tang găn sa pơgơ̆m pơjĭp, pơm tơdrong glăi pơma dơnuh păng ăn tơgop nơ̆r găh tơdrong pơrô̆ xek tơlang mĭnh ƀar tơdrong pơm glăi găh hơnih au lăng hơlen, pơrô̆ jang păng mĭnh ƀar tơdrong kăl anai.
Găh tơdrong jang khei năr kơnh, Khul kơdră Hơnih chĕp pơgơ̆r athei rim kơdră, hơnih đảng, hơnih bơ̆ jang hơnơ̆ng pơtrŭt kơtang bơ̆ jang tang găn sa pơgơ̆m pơjĭp, pơm tơdrong glăi, akŏm xek tơlang keh đang dôm tơdrong tơlang tim mă đang, tim mă ‘lơ̆ng, dôm tơdrong pơm glăi, tơdrong sa pơgơ̆m pơjĭp, tơdrong kon pơlei ưh kơ lăp kơ đon.
Mă kăl akŏm dăr lăng, lăng hơlen, xek tơlang rim tơdrong pơm glăi đei ƀơm truh găh tơdrong tơ̆ Kŏng ty Việt Á, Kŏng ty AIC, Grŭp jang FLC, Tân Hoàng Minh, Vạn Thịnh Phát. Hơdrin đơ̆ng dang ei truh đĭ sơnăm 2023 pơtôch hơlen hơdăh, xek tơlang 10 tơdrong pơm glăi; chih pơkăp tơkêng 5 tơdrong glăi; xek tơlang blŭng a 7 tơdrong glăi, xek tơlang hơlơ̆k dơ̆ng 3 tơdrong glăi.
Viết bình luận