Tổng Bí thư Nguyễn Phú Trọng pơma hơdăh Việt Nam ling lang lăng kăl tơdrong tơgŭm kăp gĭt đơ̆ng Liên Xô, lơ̆m noh đei teh đak Nga hơdrol sơ̆ păng Liên bang Nga hrei ‘nâu lơ̆m tơdrong iung tơblăh iŏk rơngei, 2 ‘măng tơblăh, rơngei teh đak păng lơ̆m tơdrong jang pơjing păng vei lăng teh đak đơ̆ng rŏng âu. Tổng Bí thư pơma hơdăh Việt Nam ling lang lăng kăl tơdrong pơvei đơ̆ng sơ̆, jang hơdai tôm tơdrong hăm Nga, jĭ 1 tơdrong tơgŭm hơdrol lơ̆m trong jang tơgŭm tơbôl đơ̆ng bơ̆n.

Kơdră tơm Vladimir Putin tơƀôh đon chơt hơiă năm ngôi tơ̆ Việt Nam păng tơƀơ̆p dơ̆ng Tổng Bí thư Nguyễn Phú Trọng, pơma hơdăh Việt Nam  jĭ buăl, teh đak jang hơdai lui ngeh kơ Liên bang Nga; tơdrong pơvei 2 teh đak hlôi đei  long nol kiơ̆ khei ‘năr; hơtŏk tơiung pơvei jang hơdai gĭt kăl tôm tơdrong hăm Việt Nam jĭ tơgŭm hơdrol lơ̆m trong jang tơgŭm tơbôl đơ̆ng Nga tơ̆ tơring châu Á – Thái Bình Dương; lui ngeh ‘măng năm ngôi gô pơm tơdrong ‘lơ̆ng ‘nao lơ̆m tơdrong pơvei 2 teh đak.