Tơ̆ jơ pơma đam, Tổng Bí thư Nguyễn Phú Trọng chơt hơiă hăm Kơdră tơm Putin đei kon pơlei lui, pôk pơm dơ̆ng Kơdră tơm teh đak Nga đơ̆ng 2024-2030 hăm kơphĭu tơgŭm lơ hlŏh đơ̆ng sơ̆ truh dang ei lơ̆m chăl ‘nao kơ teh đak Nga, tơƀôh hơdăh đon lui păng tơdrong tơgŭm tôch ai đơ̆ng kon pơlei Nga hăm Kơdră tơm Putin lơ̆m tơdrong chĕp kơ̆l pơgơ̆r teh đak Nga jang tŏk lơ̆m chăl ‘nao.

Kơdră tơm Putin pơma hơdăh, Việt Nam ling lang jĭ boăl juăt, jĭ teh đak jang hơdoi tôch sơđơ̆ng hăm teh đak Nga. Kơdră tơm Putin tơƀôh đon hơiă tơ̆ hơnăp dôm hơyak tŏk pran lơ̆m tơdrong pơvei 2 pang găh rim tơdrong jang. 2 ‘nu kơdră chĕp kơ̆l pơma nuh păng drơ̆ng nơ̆r găh 1,2 trong jang tih vă hơtŏk tơdrong jang hơdoi 2 pang tơ̆ hơnăp kơnh lơ̆m dôm tơdrong jang găh khul linh vei sơđơ̆ng teh đak, mŭk drăm, tĕch mơdro, jŏh ayŏ kơ dŏ xoang, chă tơmang lăng.