Mĭnh sơnăm au ki, Hơnih chĕp pơgơ̆r dêh char hlôi iung jang hloi vă jê̆ 150 ‘măng năm dăr lăng, lăng hơlen găh bơ̆jang tang găn sa pơgơ̆m pơjĭp, pơm tơdrong glăi. Hlŏh đơ̆ng dăr lăng hlôi ƀôh lơ tơdrong pơm glăi; apĭnh xek tơlang lơ hơnih bơ̆ jang đảng, bơngai jang đảng pơm glăi.

Lăp lơ̆m mĭnh sơnăm, rim Hơnih chĕp pơgơ̆r dêh char hlôi dăr lăng, tơlĕch 600 tơdrong pơm glăi lơ̆m tơdrong sa pơgơ̆m pơjĭp, pơm glăi lơ̆m găh kăl lăng hơlen, pơrô̆ vă akŏm pơrô̆ xek tơlang.Lơ tơring hlôi ƀô̆h, tơkêng, dăr lăng hơlen, xek tơlang lơ tơdrong pơm glăi tih, lơ kang ƀô̆ găh khul kơdră chĕp pơgơ̆r Đảng dêh char, hơnih Đảng pơlei tơm vei lăng. Đơ̆ng rŏng tơƀôh hơdăh 5 tơdrong tơm pơm ăn păng trong hơlen hơmet pơ ‘lơ̆ng vă hơnơ̆ng atŏk kơtang bơ̆ jang ‘lơ̆ng hloh dơ̆ng kơ Hơnih chĕp pơgơ̆r dêh char lơ̆m khei năr kơnh, Tổng Bí thư Nguyễn Phú Trọng athei, Hơnih chĕp pơgơ̆r rim dêh char, pơlei tơm kăl hơnơ̆ng tơlĕch jang kiơ̆ kơtang hloh dơ̆ng tơdrong jang, hơnăp jang, tơdrong gơ̆h jang kơ Hơnih chĕp pơgơ̆r dêh char; kăl iung jang ‘lơ̆ng, kơjăp, tơpăt, trŏ ƀlep hăm tơdrong jang, tơdrong gơ̆h jang.