Nơ̆r pơma lơ̆m kơthơ đei jăl chih: Hăm jơhngơ̆m đon bôl boăl, teh đak tơjê̆ ‘lơ̆ng hơ iă, tang măt ăn Khul kơdră chĕp pơgơ̆r Trung ương Đảng Cộng sản Việt Nam, ĭnh apĭnh pơtruh nơ̆r ăn kơ Ƀok Hun Sen, Kơdră chĕp pơgơ̆r Đảng Kon pơlei Campuchia, rim kơdră chĕp pơgơ̆r păng kang ƀô̆, đảng viên Đảng Kon pơlei Campuchia nơ̆r hmach ‘lơ̆ng hơ iă hloh, chơt hơ iă hloh găh tơdrong iŏk đei jơnei ‘lơ̆ng liĕm ‘măng pôk rơ̆ih jăl V; mă kăl ‘noh Đảng Kon pơlei Campuchia hlôi iŏk đei jơnei tih tên lơ̆m ‘măng pôk rơ̆ih ‘măng mă au.

Pơtôch pôk rơih mĭnh ‘măng dơ̆ng sơkơ̆t hơdăh, hơnăp jang, hơnih dơ̆ng kơ Đảng Kon pơlei Campuchia kơ yuơ Ƀok chĕp pơgơ̆r. Nhôn lui akhan, hăm dôm tơdrong hlôi iŏk đei jơnei, atŭm hăm dôm trong jang ‘lơ̆ng hơ iă păng tơdrong tơgum djru đơ̆ng kon pơlei Campuchia, Đảng Kon pơlei Campuchia kơ yuơ Kơdră chĕp pơgơ̆r Hun Sen chĕp kơ̆l gô hơnơ̆ng iŏk đei jơnei tih tên hloh dơ̆ng lơ̆m tơdrong jang vei lăng, tơ iung pơjing păng atŏk tơ iung teh đak Campuchia.