Tơ̆ jơ sơng, Bơngai tang măt Sẻng-phết Hùng-bun-nhuông tơƀôh jơhngơ̆m đon chơt hơiă găh tơdrong pơvei tơgoăt tơgoăl gĭt kăl Lào-Việt Nam roi ‘năr roi hơtŏk tơiung jrŭ să, hơnhăk ăn đei yua ‘lơ̆ng ăn kon pơlei 2 teh đak, pơma hơdăh tơdrong gĭt kăl đơ̆ng tơdrong pơvei gĭt kăl Lào-Việt Nam păng pơma hơdăh mă đơ̆ng tơ̆ kơchư̆k jang kiơ kŭm gô hơnơ̆ng jang đĭ jơhngơ̆m kơdih pơm ‘lơ̆ng ăn tơdrong pơvei tơgoăt tơgoăl gĭt kăl Lào-Việt Nam ling lang ‘lơ̆ng hơiă kơjăp.

 Tổng Bí thư Nguyễn Phú Trọng hmach thơ thâu kơ bơngai tang măt jang đang hơgei hơnăp jang păng dôm jơnei gĭt kăl mă Lào iŏk đei lơ̆m khei ‘năr âu ki, pơma hơdăh Việt Nam ling lang tơgŭm tơdrong jang tơplih ‘nao đơ̆ng Lào, hơdai hăm lui ngeh, hăm tơdrong chĕp kơ̆l đơ̆ng Đảng kon pơlei Cách mạng Lào, kon pơlei Lào hơnơ̆ng iŏk đei lơ jơnei ‘nao, tih tên hloh dơ̆ng lơ̆m tơdrong tơlĕch jang tơdrong tơchơ̆t Hop akŏm XI kơ Đảng Kon pơlei Cách mạng Lào.