Tổng Bí thư Nguyễn Phú Trọng tơchĕng ‘lơ̆ng ‘măng năm hơpong âu đơ̆ng ƀok Shii Kazuo lơ̆m sơnăm 2 teh đak tơbăt 50 sơnăm pơjing tơdrong pơvei jang tơbôl, 2 păh ‘nao pơm hơtŏk tơdrong pơvei jing Jang hơdoi gĭt kăl tôm tơdrong yoa tơdrong rơngei păng hơnŭk hơnoa tơ̆ châu Á păng lơ̆m apŭng plenh teh. Tổng Bí thư lui ‘măng năm hơpong gô pơm hơtŏk hlŏh dơ̆ng tơdrong pơvei ‘lơ̆ng hơiă đơ̆ng sơ̆ păng mât 1 ƀơ̆r đon đơ̆ng 2 Đảng, hơtŏk tơdrong pơvei ăn kon pơlei 2 teh đak, pơm pơ ‘lơ̆ng hlŏh dơ̆ng tơdrong pơvei jang hơdoi đơ̆ng 2 teh đak.

Kơdră vei lăng Đảng Cộng sản Nhật Bản Shii Kazuo tơchĕng ‘lơ̆ng anih dơ̆ng păng hơnăp jang đơ̆ng teh đak Việt Nam lơ̆m tơring, hơiă hăm dôm tơdrong jơnei găh jang tơbôl mă Việt Nam iŏk đei lơ̆m khei ‘năr âu ki, lui Việt Nam hơnơ̆ng đei lơ tơdrong tơgop tih hlŏh dơ̆ng hăm tơdrong rơngei, sơđơ̆ng, jang hơdoi păng jang tŏk tơ̆ tơring păng lơ̆m apŭng plenh teh.