Tổng Bí thư Nguyễn Phú Trọng pơma hơdăh tơdrong lăng kăl đơ̆ng Việt Nam hăm tơdrong pơvei Việt Nam- Australia, lăng ‘lơ̆ng tơdrong hơtŏk tơiung pran kơtang, tơpă păng tôm tơdrong đơ̆ng jang hơdai đơ̆ng 2 păh lơ̆m dôm sơnăm âu ki. Tổng Bí thư pơma hơdăh Việt Nam păng Australia jĭ 2 teh đak vang oei tơ̆ tơring châu Á-Thái Bình Dương, đei lơ tơdrong lei lăi, tơdrong pơvei hlôi yak hloh kơ khei ‘năr hơtŏk tơiung lơ̆m 50 sơnăm âu ki, đei pơih să păng năm mơ̆t jrŭ pơ đĭ hloi lơ̆m tơdrong pơvei chĭnh trĭ, jang hơdai mŭk drăm, khoa hŏk, kơmăy kơmŏk, pơtho pơhrăm păng khŭl linh, vei sơđơ̆ng.

Tổng Bí thư drơ̆ng nơ̆r găh dôm trong jang hơtŏk tơiung tơdrong pơvei, lơ̆m noh đei tơdrong hơ nhăk tơdrong pơvei 2 teh đak tŏk ‘lơ̆ng ‘nao, jang hơdai ‘lơ̆ng hloh dơ̆ng păng hơtŏk ‘lơ̆ng đei yua tơdrong bơ̆jang kiơ̆ dôm tơdrong drơ̆ng nơ̆r yua kơ đei yua đơ̆ng kon pơlei 2 teh đak, yua kơ tơdrong rơngei,  jang hơdai păng hơtŏk tơiung tơ̆ tơring păng lơ̆m apŭng plĕnh teh.