Tơ̆ Hop akŏm, hăm jơhngơ̆m đon tơpăt, hơnăp jang kơtang, rim kơdră tang măt akŏm pơma dơnuh, lăng hơlen pơtôch chĕp pơgơ̆r jang kiơ̆ tơdrong jang khul lĭnh, vei lăng sơđơ̆ng teh đak păng tơ iung pơjing Hơnih Đảng Ƀô̆ đô̆i sơnăm 2023, pơrô̆ đĭ đăng ƀô̆ đô̆i hơmet pơ ‘lơ̆ng tơnap tap, jang keh đang rim tơdrong jang hăm iŏk đei jơnei kơtang hlŏh sơnăm 2022, lơ tơdrong jang keh đang ‘lơ̆ng liĕm.

‘Moi kiơ̆ hơlen kơtang dôm tơdrong lơ̆m tơring, apŭng plĕnh teh, lơ̆m teh đak, Quân ủy Trung ương sơkơ̆t hơdăh mĭnh ƀar tơdrong jang, trong jang kăl akŏm chĕp pơgơ̆r, pơrô̆ jang kiơ̆ jơnei tơdrong jang vei lăng teh đak. Lơ̆m au hơnơng iung jang băt hơdăh, hơlen, tơdra hơdrol ƀlep tơdrong, tơtom pơchoh trong ăn kơ Đảng, Teh đak hơmet pơ ‘lơ̆ng jơnei rim tơdrong, ưh kơ lê̆ ưh kơ tom băt, vei lăng kơjăp pơm tơm kơdih, keh kong groi teh kơ Teh đak. Kiơ̆ yok hơnăp jang kăl lơ̆m tơ iung pơjing kon pơlei vang vei lăng teh đak; jang ting ring vei lăng teh đak hăm jang mŭk drăm, mŭk drăm hăm vei lăng teh đak păng Tơdrong jang đơ̆ng Khul kơdră Teh đak găh atŏk tơ iung mŭk drăm-tơpôl, vei lăng sơđơ̆ng teh đak, sơđơ̆ng rim tơring; Akŏm chĕp pơgơ̆r tơ iung pơjing Hơnih Đảng Khul Ƀô̆ đô̆i pran kơjăp iăp kơtang.