Tơ̆ hop akŏm dôm bơngai tang măt hlôi akŏm ăn tơgop nơ̆r lơ̆m hla ar tơroi tơbăt chĭnh trĭ đơ̆ng Khŭl chĕp kơ̆l pơgơ̆r Trung ương Đảng jăl 13, hla ar tơroi tơbăt hơlen lăng 5 sơnăm bơ̆jang kiơ̆ Tơdrong jang hơtŏk tơiung mŭk drăm tơpôl 10 sơnăm jăl jang 2021-2030, trong jang, hơnăp jang hơtŏk tơ-iung mŭk drăm tơpôl 5 sơnăm jăl jang 2026- 2030, hla ar tơroi tơbăt pơtôch tơdrong jang pơjing Đảng păng jang kiơ̆ tơdrong pơkăp Đảng păng hla ar tởỏi tơbăt pơtôch 1,2 tơdrong lý luận păng yan âu đơ̆ng tơdrong jang tơplih ‘nao teh đak kiơ̆ trong jang xã hội chủ nghĩa lơ̆m 40 sơnăm âu ki.

Pơma tơ̆ hop akŏm, Tổng Bí thư Tô Lâm tơroi rơđăh, dôm hla ar chih pơtruh ăn Hop akŏm Đảng ‘măng mă 14 athei jing tơmam jing tơdrong jang tơm gơh hơgei đơ̆ng tơpôl đĭ đăng đảng đĭ đăng kon pơlei, đĭ đăng lĭnh. Kơna athei hơtŏk kon pơlei pơm tơm gơh hơgei tơpôl, athei đei tơdrong vang tơgop đơ̆ng dôm anih jang kơpal, anih jang Trung ương, rim tơring, rim khŭl jang chĭnh trĭ tơpôl păng kon pơlei, mă loi ‘noh jĭ tơdrong vang tơgop đơ̆ng dôm bơngai sơ̆ pơm Kơdră chĕp kơ̆l Đảng, Teh đak.