Pơm lêh tơbăt đei hơnăn “Đơ̆ng Pơdăm tơdrong pơkăp vang hơrih sa hiôk hian truh tơ iung pơjing Tơpôl vang tơbăt dih băl hơnô̆ hơnăp kơnh kơ kon bơngai”. Vang năm pơm lêh tơbăt đei hloh 100 ‘nu kơdră tang măt, tơmoi, lơ̆m ou hloh 20 ‘nu Ƀok kơdră tơm so, Thủ tướng so păng kơdră chĕp pơgơ̆r kơ rim teh đak, atŭm hăm rim bơngai joăt jang, khul hŏk jrŭ tơgoăt tơgoăl.

Ƀok Nông Đức Mạnh sơkơ̆t hơdăh, ‘moi kiơ̆ trong jang tơbôl trŏ lăp, lơ pang, Việt Nam tơgŭm djru păng drơ̆ng vang iung jang kơtang lơ̆m trong tơchăr đơ̆ng rim pang, lơ̆m ou đei trong tơchăr lơ̆m plei teh đơ̆ng Trung Quốc, hăm trong tơlĕch jang ‘noh kơ yuơ đei iŏk yua atŭm ăn đĭ đăng kon bơngai păng tơdrong gơ̆h hơgei kơ kon pơlei apŭng plĕnh teh, trŏ lăp hăm Tơdrong tơchơ̆t Liên hợp quốc, “Pơdăm tơdrong pơkăp vang hơrih sa hiôk hian” păng khôi luơ̆t apŭng plĕnh teh.