Kiơ̆ đơ̆ng dôm nơ̆r pơma nuh tơpăt ‘lơ̆ng, tôch tơnăp đơ̆ng dôm bơngai tang măt vang truh hăm jơ bơ̆ jang, pơma nơ̆r pơtôch, Tổng Bí thư Tô Lâm hơiă hăm dôm tơdrong adrin, dôm tơdrong jang đei ‘lơ̆ng hơiă đơ̆ng Ban Tuyên giáo Trung ương, anih jang roi tơbăt, pơtho tơƀôh đơ̆ng blŭng jăl jang kơ Hop akŏm mă XIII truh dang ei.

Găh tơdrong vă jang tơ̆ hơnăp kơnh, Tổng Bí thư Tô Lâm athei, Ban Tuyên giáo Trung ương, anih jang roi tơbăt, pơtho tơƀôh akŏm jơhngâm bơ̆ jang ‘lơ̆ng hlŏh dơ̆ng tơdrong roi tơƀôh, tơiung pơjing Đảng găh chinh trĭ, đon tơchĕng, jơhngâm đon, năng ‘nâu jĭ tơdrong jang tơm, athei bơ̆ jang hơnơ̆ng. Hơnơ̆ng tơplih ‘nao mă pran, hơtŏk tơdrong ‘lơ̆ng, đei yoa đơ̆ng bơ̆ jang roi tơƀôh, kăl hlŏh jĭ hăm dôm tơdrong gĭt kăl, ƀơm truh lơ tơdrong, đunh đai, pran kơjăp lơ̆m tơdrong roi tơbăt. Vang roi tơƀôh, pơgơ̆r bơ̆ jang mă ‘lơ̆ng dôm năr lêh tơbăt, tơdrong gĭt kăl lơ̆m teh đak. Roi tơbăt, pơma nuh iŏk nơ̆r tơgop đơ̆ng kăn ƀô̆, đảng viên păng Kon pơlei ăn Hla ar chih kăl kơ Hop akŏm.