Kiơ̆ nơ̆r tơroi, truh dang ei, dêh char Cà Mau đei 7 tơdrong hơgăt hlôi jang đei păng lơ hlŏh kơsô̆ tơlĕch lơ̆m jalw jang đơ̆ng 2020-2025, păng tơdra adrol truh đĭ jăl jang gô đei 15/17 tơdrong hơgăt jang đei păng tŏk hlŏh kơsô̆ tơlĕch. Dang ei tơdrong jang mŭk drăm tơ̆ tơring đei tơplih trŏ trong, Cà Mau oei dơ̆ng hơdrol lơ̆m teh đak găh jên tĕch hơdang tơ̆ teh đak đe. Lơ̆m dêh char đei 64 xăh, jang kĕh tơdrong pơjing tơring tơrang ‘nao.

Pơma pơtôch jơ bơ̆ jang, Tổng Bí thư Tô Lâm tơchĕng ‘lơ̆ng tơdrong adrin păng dôm tơdrong jang đei, mă Đảng ƀô̆, khul kơdră pơgơ̆r păng kon pơlei dêh char Cà Mau iŏk đei khei ‘năr âu ki. Tổng Bí thư oei athei Cà Mau hơnơ̆ng hơmet hrĕnh dôm tơdrong tơhlăk tăk, găn trong jang tŏk; iŏk kon pơlei, anih tĕch mơdro pơm tơm, akŏm păng tưk tơiung jơhngâm pran tơ̆ lăm păng đơ̆ng ‘ngoăih ăn tơdrong jang tŏk mŭk drăm, tơpôl; lơ̆m tơdrong hơmet ming tơdrong pơm hla ar vei lăng păng tơplih hăm kơmăy sô̆ athei bơ̆ jang hrơ̆ch ‘lơ̆ng, jô̆ hloi hăm anih jang teh đak păng anih jang kơdih, hơmet pơ ‘lơ̆ng anih tơmât jên jang xa, tĕch mơdro.