Pơtôch jơ bơ̆jang, Tổng Bí thư Tô Lâm pôk pơ ư dôm jơnei hơdăh mă Anih krao hơvơn Kon pơlei Trung ương hlôi iŏk đei đơ̆ng blŭng jăl jang truh dang ei, hơdai hăm tơroi rơđăh, ‘lơ̆ng hloh đơ̆ng tơdrong jang krao hơvơn kon pơlei pơm đei tơdrong pran jơhngơ̆m kon pơlei kơjăp.

Tổng Bí thư athei tơ̆ hơnăp kơnh kăl kơ drơ̆ng mĭnh nơ̆r găh tơdrong gĭt kăl păng athei tơplih ‘nao pran kơtang tơdrong jang krao hơvơn kon pơlei hơtŏ dang hơnăp jang lơ̆m jăl jang kach mang ‘nao vă hơvơn jơhngơ̆m đơ̆ng kon pơlei, hơnhăk Teh đak kơjăp yak mơ̆t lơ̆m Chăl ‘nao, chăl jang tŏk đơ̆ng hơdrĕch hơdrŭng hăm tơdrong hơgăt ‘lơ̆ng hloh ‘noh jĭ tơdrong jang krao hơvơn kon pơlei lơ̆m jăl jang ‘nao ‘noh jĭ yua kơ kon pơlei hơnhăk ăn đei yua ‘lơ̆ng ăn kon pơlei, hơmet pơ ‘lơ̆ng ‘meh vă trŏ ƀlep đơ̆ng kon pơlei, tơlĕch đei yua trŏ luơ̆t, trŏ ƀlep đơ̆ng kon pơlei kăl hloh, mă hơdrol, athei pơyom, hơtŏk tơdrong pơm tơm đơ̆ng kon pơlei, hơmet ming tơgoăt ‘lơ̆ng đơ̆ng Đảng, teh đak hăm kon pơlei.