Pơma hơdăh, sơnăm 2025, mĭnh sơnăm ƀĕnh dôm tơdrong jang gĭt kăl, dôm hơnăp jang kăl mă bơ̆n athei jang đang vă pơm tơdrong ‘lơ̆ng ăn jăl jang tŏk pran kơ hơdrĕch hơdrŭng, kơlih thoi noh khŭl lĭnh Ƀô̆ đô̆i vei lăng tơring sơlam kŭm tôch kơ kăl jang tŏk vă iŏk đei dôm tơdrong hơgăt, trong tơlĕch jang kơ sơnăm bơ̆jang 2025.

Ƀlep ƀơ̆t năr têt truh pơyan puih mak vih, Tổng Bí thư athei, jang kiơ̆ kơtang, tơlĕch jang kiơ̆ tơpăt tơdrong tơchơ̆t đơ̆ng Ban Bí thư, đơ̆ng Thủ tướng teh đak păng dôm tơdrong athei, trong tơlĕch jang đơ̆ng Anih tơm vei lăng Khŭl lĭnh; pơgơ̆r dăr joang, hơlen lăng, vei lăng kơjăp tơring sơlam, ‘măng jang sơlam, vei kơjăp tơdrong sơđơ̆ng chĭnh trĭ, sơđơ̆ng tơpôl tơring sơlam, ‘măng jang sơlam lơ̆m năr Têt; vei sơđơ̆ng tôm tơdrong hơgăt, trong jang tơgŭm Têt, pơgơ̆r ăn ƀô̆ đô̆i sơng Pơyan puih mak, sa Têt chơt hơiă, ‘mơ ‘met; bơngơ̆t truh, vei lăng ăn dôm bơngai teh đak tơgŭm, ŭnh hnam dơnuh hin lơ̆m tơring sơlam, đak dơsĭ, achon đak dơsĭ.