‘Nâu jĭ ‘măng năm ngôi mă blŭng đơ̆ng ƀok Tô Lâm tơ̆ Singapore hăm kơchưk pơm Tổng Bí thư Khul kơdră chĕp kơ̆l Trung ương Đảng Cộng sản Việt Nam, ‘măng năm ngôi tôch gĭt kăl păng tơbăt 1 hơyak tŏk ‘nao lơ̆m tơdrong pơvei 2 pang đơ̆ng Việt Nam păng Singapore.

‘Măng năm ngôi đơ̆ng Tổng Bí thư Tô Lâm tơ̆ Singapore mă âu jĭ tơdrong chinh trĭ tôch gĭt kăl vă hơnơ̆ng tưk tơiung tơdrong pơvei oei tŏk ‘lơ̆ng hơiă đơ̆ng 2 teh đak Việt Nam păng Singapore, tŏk pran ‘lơ̆ng păng đei yoa hlŏh dơ̆ng. ‘Măng năm ngôi oei tơgop pơm pơ ‘lơ̆ng hlŏh dơ̆ng tơdrong pơvei đơ̆ng 2 Đảng, pơjing trong jang chinh trĭ kơjăp ‘lơ̆ng ăn tơdrong pơvei kơ 2 teh đak; tưk tơiung tơdrong ‘lơ̆ng vă jang hơdoi đơ̆ng 2 teh đak lơ̆m dôm tơdrong jang mŭk drăm rơgŏh, mŭk drăm kơmăy sô̆, khoa hŏk kơmăy kơmŏk păng tơplih ‘nao rơgei, unh hơyuh rơgoh, anih jang jên hu.