Pơma tơ̆ jơ pơm lêh, Tổng Bí thư Tô Lâm hmach hơiă kơ ƀok Lương Cường hlôi đei Quốc hội pôk pơm Kơdră  teh đak CHXHCN Việt Nam. Tơ̆ lêh pơjao, Kơdră teh đak Lương Cường pơma hơdăh gô hơdai hăm Phŏ Kơdră teh đak, hăm đĭ đăng kang ƀô̆, bơngai jang teh đak, bơngai jang lơ̆m Anih pơvih ăn Kơdră teh đak jang kiơ̆ kơjăp, hơdrin pơgơ̆r jang kiơ̆ jơnei tơdrong pơgơ̆r, dôm tơdrong athei păng ‘meh vă đơ̆ng ƀok Tổng Bí thư hăm Kơdră teh đak păng Anih pơvih ăn Kơdră teh đak.

Kơdră teh đak pơma hơdăh gô hơdrin hŏk pơhrăm, vei răk, iŏk jang, hơtŏk dôm jơnei ‘lơ̆ng hơiă mă Tổng Bí thư Tô Lâm păng dôm jơhnơr kơdră chĕp kơ̆l Teh đak hlôi pơjing păng pơsư̆ ăn; hơdai hăm ‘meh vă ƀok Tổng Bí thư hăm đon hlôh vao lơ păng bưng ai đơ̆ng kơdih hơnơ̆ng tơgŭm vă jang kiơ̆ jơnei rim hơnăp jang gĭt kăl mă Đảng, teh đak păng kon pơlei lui ngeh pơjao ăn.