Ƀar ‘nu kơdră chĕp pơgơ̆r tơbăt jơhngơ̆m đon chơt hơ iă găh tơdrong atŏk tơ iung kơtang, roi năr roi ‘lơ̆ng liĕm păng jơnei, pơ đĭ lơ̆m tơdrong ƀar pang păng lơ pang, ƀar păh Kuô̆k hô̆i Việt Nam hăm Jơnŭm tang măt Kon pơlei Indonesia; sơkơ̆t hơdăh tơdrong tơgoăt tơgoăl ƀar hơnih bơ̆ jang pơjing khôi luơ̆t ‘noh mĭnh tơdrong kăl hloh lơ̆m tơgoăt tơgoăl ƀar teh đak; ‘meh vă hơnih jang pơjing khôi luơ̆t kơ ƀar păh hơnơ̆ng tơgop kơtang ăn tơdrong atŏk tơ iung tơgoăt tơgoăl ‘lơ̆ng rŏ, jang hơdoi lơ tơdrong păng jang hơdoi gĭt kăl tôm tong Việt Nam – Indonesia, ‘moi kiơ̆ tơdrong tơ iung pơjing păng tơlĕch rim hla bơar khôi luơ̆t, pơjing rim trong jang trŏ lăp, rơvơn lơ̆m rim tơdrong jang, mă kăl ‘noh mŭk drăm, mơdro sa păng tơmơ̆t jên jang kơ ƀar teh đak. Ƀok Amad Muzani sơkơ̆t hơdăh Indonesia ling lang lăng kơjăp tơgoăt tơgoăl hăm Việt Nam, kơ yuơ đei iŏk yua sa hơpăh kơ kon pơlei ƀar teh đak, kơ yuơ rơngei hiôk hian, sơđơ̆ng, jang hơdoi, atŏk tơ iung lơ̆m tơring păng lơ̆m apŭng plĕnh teh.