Tơ̆ jơ pơma dơnuh, Tổng Bí thư Tô Lâm pơma hơdăh Việt Nam ling lang lăng kăl păng ‘meh vă hơnhăk tơdrong pơvei Jang hơdai gĭt kăl tôm tơdrong đơ̆ng 2 teh đak hơtŏk tơiung ‘lơ̆ng, tôm tơdrong, tơgăl hăm tơdrong pơvei ‘nao pơjing. Tổng Bí thư kŭm hmach chơt hơiă kơ Singapore găh dôm jơnei yak hloh găh rim tơdrong, jĭ teh đak pơm jŭk yŭk trong hơlâu ăn dôm teh đak Đông Nam Á lăng kiơ̆.

2 kơdră chĕp kơ̆l drơ̆ng nơ̆r hơlen lăng, Việt Nam păng Singapore vang tơroi băl lơ tơdrong vă lei lăi găh kơjă kăp gĭt, joh ayŏ păng trĕng lăng hơtŏk tơiung păng đon tơchĕng kơjăp atŭm găh lơ tơdrong jang, đơ̆ng chinh trĭ, jang tơbôl truh jang hơdai khŭl lĭnh - sơđơ̆ng, tĕch mơdro - tơmơ̆t jên jang, khoa hŏk - kơmăy kơmŏk, pơtho pơhrăm, tơmang lăng păng tơƀơ̆p pơma dơnuh đơ̆ng kon pơlei; pơih să jing dôm tơdrong jang ‘nao, lơ tơmam ‘lơ̆ng nhen mŭk drăm kơsô̆, tơplih rơgoh, tơplih ŭnh hơyuh păng tơplih ‘nao pơcheh hơgei.