Lơ̆m 8 năr, hăm hloh 80 tơdrong jang, Tổng Bí thư Tô Lâm hlôi pơma đam hăm đe Kơdră kơ dôm teh đak, tơƀơ̆p păng pơma dơnuh hăm dôm khul đảng, rim anih jang mŭk drăm, năm tơmang minh ƀar anih jang mŭk drăm, joh ayŏ, tơƀơ̆p kon pơlei Việt Nam hơrih tơ̆ dôm teh đak. Tổng Bí thư hlôi năm akŏm Lêh tơbăt 80 sơnăm Năr tơblah jơnei Vei lăng teh đak tơ̆ Nga păng tơ̆ Kazakhstan, kiơ̆ đơ̆ng noh tơƀôh tơdrong tơgĭt păng pôk pơ-ư đơ̆ng Việt Nam hăm dôm tơdrong plang, hiong răm tih tên đơ̆ng rim teh đak lơ̆m Liên Xô so lơ̆m tơdrong tơblah chăl phát xít kơnê̆, pơtôch tơdrong tơblah apŭng plenh teh păng pơih đei hơyak 'nao ăn tơdrong jang kăch mang păng tơblah pơrơngei kon pơlei lơ̆m kơpal teh, lơ̆m noh đei Việt Nam.

Dôm tơdrong đei jơnei lơ̆m 'măng năm tơmang jĭ tơdrong tơm kăp gĭt, jĭ jơhngơ̆m pran vă Việt Nam păng rim teh đak pơtoi iŏk yua pơm jang păng hơtŏk tơdrong tơbôl juăt jue, tơgop lơ̆m tơdrong hơtŏk tơ-iung kơ rim teh đak, kơyuơ tơdrong pơyua ăn kon pơlei, kơyuơ tơdrong rơngei hiôk hian, jang hadoi, hơtŏk tơ-iung tơ̆ tơring păng lơ̆m apŭng plenh teh.