Tổng Bí thư Tô Lâm hôn bơnê kơ Khŭl Kơdră kơpal Đảng Cộng sản Phalăng năm ngôi tơ̆ Việt Nam, tơgop hơtŏk loi dơ̆ng đon lui chĭnh trĭ, pơm kơjăp hloh dơ̆ng tơdrong pơvei 1 jơhngơ̆m đon, joăt joe gĭt kăl dôm sơnăm âu ki đơ̆ng 2 Đảng, yua kơ tơdrong đei yua đơ̆ng kon pơlei 2 teh đak, tơgop ăn tơdrong rơngei, ‘lơ̆ng păng hơtŏk tơiung lơ̆m tơring păng apŭng plĕnh teh. Tổng Bí thư Tô Lâm lăng ‘lơ̆ng tơdrong hơdrin đơ̆ng Đảng Cộng sản Phalăng vă hơtŏk ‘lơ̆ng anih dơ̆ng, hơnăp jang đơ̆ng Đảng, tơgop lơ̆m tơdrong iung jang yua kơ tơdrong rơngei, hiôk hian, kon pơlei pơm tơm păng hơgei lơ̆m tơpôl tơ̆ Phalăng, Châu Âu păng lơ̆m apŭng plĕnh teh.

Ƀok Tổng Bí thư roi tơbăt găh dôm jơnei Việt Nam iŏk đei lơ̆m vă jê̆ 40 sơnăm tơplih ‘nao hăm tơdrong chĕp kơ̆l đơ̆ng Đảng Cộng sản Việt Nam. Tổng Bí thư Tô Lâm athei 2 Đảng hơnơ̆ng hơtŏk loi dơ̆ng dôm tơdrong jang hơdai dang ei đei, lơ̆m noh đei trong jang Hop akŏm lý luận vă vang tơgŭm dôm tơdrong lý luận păng hlôh vao yan âu tơgŭm hơtŏk ‘lơ̆ng tơdrong jang đơ̆ng 2 đảng tơ̆ 2 teh đak.