Tổng Bí thư pơma hơdăh Việt Nam năng Mi jĭ teh đak jang hơdoi tôch gĭt kăl, lơ̆m noh đei jang hơdoi mŭk drăm, tĕch mơdro, tơmât jên jang păng jang khoa hŏk, kơmăy kơmŏk ‘nao hơnơ̆ng jĭ tơdrong tơm păng jơhngâm pran vă pơm hơtŏk tơdrong pơvei 2 pang; hơpơi ‘mĕh kŭm hăm Mi hơnơ̆ng tơlĕch tơdrong jang vă pơm hơtŏk Tơdrong jang hơdoi gĭt kăl tôm tơdrong roi đunh roi đei yoa, roi jrŭ xă, lơ̆m noh hơnơ̆ng tưk tơiung tơdrong jang hơdoi găh mŭk drăm – tĕch mơdro – tơmât jên jang tŏk pran kơjăp, yoa tơdrong đei yoa đơ̆ng kon pơlei păng anih tĕch mơdro kơ 2 teh đak, tơgop ăn tơdrong rơngei, sơđơ̆ng,jang hơdoi păng jang tŏk hơnuk hơnoa tơ̆ tơring păng lơ̆m apŭng plenh teh.

Tổng Bí thư pơma hơdăh tơdrong tŏk ‘lơ̆ng đơ̆ng tơdrong pơvei Việt Nam – Mi ƀơm truh tơdrong jang tŏk lơ̆m tơdrong pơvei Mi - ASEAN, athei Grŭp pơgơ̆r tĕch mơdro xa Mi - ASEAN yak hơdoi hăm dôm teh đak ASEAN, tưk tơiung tơdrong mât 1 ƀơ̆r đon, jang hơdoi, tŏk pơdrŏng păng hơnŭk hơnoa đơ̆ng ASEAN.