Kơdră chĕp kơ̆l 2 păh vang tơƀôh đon chhôk hơiă tơ̆ hơnăp dôm hơyak hơtŏk tơiung ‘lơ̆ng đơ̆ng tơdrong pơvei 2 Đảng, 2 teh đak đơ̆ng rŏng kơ hơtŏk tơdrong pơvei tŏk Tơpôl vang tơgŭm tơ̆ hơnăp kơnh đei tơdrong ‘lơ̆ng gĭt kăl; jang hơdai khŭl lĭnh đei 2 păh bơngơ̆t truh tŭn pran, roi ‘năr roi ‘lơ̆ng, đei yua.

Tổng Bí thư Tô Lâm pơma hơdăh, Đảng, Teh đak, Khŭl lĭnh păng Kon pơlei Việt Nam ling lang chih răk tơdrong tơgŭm tih tên đơ̆ng Đảng, Teh đak, Khŭl lĭnh păng kon pơlei Trung Quốc lơ̆m tơdrong jang kach mang, iung tơblăh iŏk rơngei hơdrĕch hơdrŭng hơdrol sơ̆ kŭm nhen lơ̆m pơjing trong jang tơpôl hrei ‘nâu, jang hơdai vei lămg păng hơmet pơ ‘lơ̆ng hloh tơdrong ưh kơ lăp băl, pơvei tơdrong rơngei, vei sơđơ̆ng lăp hăm đon hlôh vao atŭm kơdră kơpal păng khôi luơ̆t apŭng plĕnh teh.