Tơ̆ jơ sơng, Tổng Bí thư Tô Lâm sơkơ̆t hơdăh, Việt Nam ‘meh vă pơm kơtang hloh dơ̆ng jang hơdoi tôm tơdrong hăm Tây Ban Nha, mĭnh teh đak gĭt kăl lơ̆m Jơnŭm atŭm châu Âu; pơma hơdăh tơdrong kăl ‘măng iung năm tơmang Việt Nam đơ̆ng bơngai chĕp kơ̆l Tây Ban Nha jô̆ đơ̆ng mă ƀar teh đak pơjing tơbôl păng lui ‘măng năm tơmang ou gô pơjing jơhngơ̆m pran hơnhăk tơgoăt tơgoăl “Jang hơdoi gĭt kăl lăng truh hơnô̆ hơnăp kơnh” Việt Nam - Tây Ban Nha atŏk tơ iung ‘nao, kơ yuơ hơnŭk hơnoa păng đei iŏk yua ăn kon pơlei ƀar teh đak, kơ yuơ rơngei hiôk hian, jang hơdoi păng atŏk tơ iung tơ̆ tơring păng apŭng plĕnh teh. Ƀar păh drơ̆ng mĭnh nơ̆r atŏk kơtang jang hơdoi lơ̆m rim tơdrong jang vei lăng sơđơ̆ng teh đak, choh jang sa, pơtho pơhrăm, adoi pơih să jang hơdoi truh rim tơdrong jang tơplih ‘nao tơchăr, kmăi kmŏk hơgei, bán dẫn, tơplih kơsô̆.