Tổng thư kĭ AIPA thơ thâu hơ-iă truh hăm Kơdră Kuôk hô̆i Trần Thanh Mẫn
Thứ bảy, 10:14, 01/06/2024
Lan chih tơblơ̆
Lan chih tơblơ̆
VOV4.Bahnar – Ƀơ̆t ‘măng ƀok Trần Thanh Mẫn đei pôk jang Kơdră Kuôk hô̆i teh đak Cộng hòa xã hội chủ nghĩa Việt Nam ah ‘Măng hop akŏm mă 7, Kuôk hô̆i jăl 15 ah năr 31/5, Tổng thư kĭ AIPA yă Ar. Siti Rozaimeriyanty Dato Haji Abdul Rahman hlôi pơtruh kơ thơ thơ thâu hơ-iă.
Lơ̆m kơthơ, Tổng thư kĭ AIPA hlôi pơtruh nơ̆r hmach bơnê kăp gĭt hăm Kuôk hô̆i Việt Nam kơlih tơdrong tơgŭm păng jang hadoi kơjăp hăm AIPA păng Jơnŭm jang Thư kĭ AIPA.
Pơtruh nơ̆r hăm Kơdră Kuôk hô̆i Trần Thanh Mẫn nơ̆r thơ thâu hơ-iă kăp gĭt ƀơ̆t đei pôk jang Kơdră Kuôk hô̆i teh đak Cộng hòa Xã hội Chủ nghĩa Việt Nam, Tổng thư kĭ AIPA lui ngeh akhan, hăm tơdrong hlôh vao lơ̆m khei năr jang Phŏ Kơdră juăt jang kơ Kuôk hô̆i, Kơdră Kuôk hô̆i Trần Thanh Mẫn gô pơtoi hơtŏk pran hloh dơ̆ng ăn Kuôk hô̆i Việt Nam, hơtŏk păng kơhret kơjăp hloh dơ̆ng tơdrong jang tơbôl đơ̆ng Kuôk hô̆i Việt Nam - AIPA, tơgop kăp gĭt ăn tơdrong hơtŏk jơnap atŭm kơ tơring ASEAN.
Viết bình luận