Tổng Thư ký lăng ‘lơ̆ng hơnăp jang chĕp kơ̆l dơnơm đơ̆ng Tổng Bí thư Nguyễn Phú Trọng păng chih iŏk hăm tơdrong chĕp kơ̆l pơgơ̆r đơ̆ng Tổng Bí thư, Việt Nam hlôi hơnơ̆ng yak hơtŏk tơiung ‘lơ̆ng păng jing teh đak jang hơdai roi ‘năr roi gĭt kăl kơ Liên hợp quốc. Tang măt Liên hợp quốc, Tổng thư ký Antonio Guterres gơih nơ̆r vang sơ ‘ngon tôch kơ dêh truh Khŭl kơdră teh đak, kon pơlei Việt Nam păng ŭnh hnam Tổng Bí thư Nguyễn Phú Trọng.

Kơdră Jơnŭm Liên hợp quốc jăl 78 Dennis Francis kŭm hlôi tơƀơ̆p Bơngai tang măt Đặng Hoàng Giang, Kơdră khŭl tang măt ăn Việt Nam tơ̆ Liên hợp quốc păng gơih nơ̆r vang sơ ‘ngon tôch kơ dêh đơ̆ng kơ dih ƀok păng đĭ đăng Jơnŭm Liên hợp quốc truh Teh đak păng kon pơlei Việt Nam. Kơdră Jơnŭm vang tơgŭm tơdrong hiong tih tên đơ̆ng kon pơlei Việt Nam tơ̆ hơnăp tơdrong lôch hơchăng đơ̆ng 1 ‘nu bơngai chĕp kơ̆l tơnăp, đĭ jơhngơ̆m yua kơ teh đak.