‘Nâu jĭ dôm tŏ hnam đei công ty tơm jang unh điên Tơring tŏk bŏk (EVNCPC) tơgŭm jên man lơ̆m sơnăm 2023. Kiơ̆ kơ ‘nŏh, 1 pôm hnam đei anih jang unh điên tơgŭm 60 triu hlak jên, khul kơdră tơring păng unh hnam kŭm hăm kơtum kơtŏng ‘nhŏng ŏh vang tơgop năr jang vă man đei hnam kơjăp ‘lơ̆ng ƀiơ̆. Kŭm hăm tơgŭm jên man hnam, anih jang unh điên Đắk Lắk oei hơpăh ăn 1 unh hnam 1 pôm tivi kŭm hăm lơ tơmam pơyoa ăn tơdrong arih xa hai.

Đei băt kŭm hăm Đắk Lắk, lơ̆m sơnăm 2023, EVNCPC hlôi tơgŭm man 70 tŏ hnam ‘mêm mơnat ăn dôm unh hnam tơnuh, unh hnam đei kŏng tơ̆ 13 dêh char Tơring tŏk bŏk păng Tây Nguyên, hăm kơsô̆ jên hlŏh 4,2 ti. Dôm tŏ hnam ‘nao âu hlôi tơgŭm ăn dôm unh hnam đei anih oei xa sơđơ̆ng, đei tơdrong ‘lơ̆ng vă jang tŏk klăih đơ̆ng pơmat tat.