Tơdrong tơm đơ̆ng tơdrong tơproh trong chĕng hơmet ming âu vă hơtŏk hơnăn đei ư hơnhang đơ̆ng plt tơm chă tơmang lăng, pơdơ̆h ngôi tơ̆ đak dơsĭ kơ teh đak păng apŭng plenh teh; kiơ̆ đơ̆ng noh pơm hơtŏk tơdrong ‘lơ̆ng đơ̆ng anih chă tơmang lăng tơ̆ tơring kơdrâm, sơng đei lơ anih tơmât jên jang găh chă tơmang lăng đơ̆ng apŭng lenh teh, pơm tơlĕch lơ tơmam pơyoa ăn chă tơmang lăng, iŏk yoa kơjăp tơmam đơ̆ng chă tơmang lăng hlôi đei hrei ‘nâu kiơ̆ trong tơplih ming mă lăp hăm tơring tơter đak dơsĭ, achon kông tơ̆ đak dơsĭ păng cham char bri brăh.

Plt Nha Trang gô jing tơring kơdrâm tơm, anih jang mŭk drăm, chinh trĭ, jŏh ayŏ kơ dŏ xoang, tơpôl, jang khoa hŏk, kơmăy kơmŏk, pơtho khul bơngai jang; tưk tơiung hlŏh dơ̆ng tơdrong đei yoa đơ̆ng 1 anih jang tŏk gĭt kăl, jĭ ‘măng jang mât lĕch hăm apŭng plenh teh đơ̆ng dêh char Khánh Hòa. Plt Nha Trang kŭm jing anih jang mŭk drăm, khoa hŏk ki thuơ̆t, pơtho pơhrăm păng jang pơgang tơm kơ tơring tơter đak dơsĭ găh Pơbăh Tơring tŏk bŏk păng Tây Nguyên, jĭ anih tơm jang chinh trĭ, mŭk drăm, jŏh ayŏ kơ dŏ xoang, khoa hŏk ki thuơ̆t kơ dêh char Khánh Hòa.