Hla ar chih tơdrong tơproh trong jang âu jĭ tơmam đơ̆ng đon rơgei atŭm, đon adrin mât 1 jơhngâm, yak hlŏh rim tơdrong pơmat tat đơ̆ng Điện Biên đơ̆ng rŏng 3 sơnăm iŏk đơ̆ng năr Thủ tướng teh đak kĭ ăn tơdrong jang Tơproh hơmet trong jang ăn dêh char. Đơ̆ng dang ei truh sơnăm 2030, dêh char Điện Biên kŭm đei tơproh trong jang vă gơh tŏk jing 1 lơm dôm anih tơm găh chă tơmang lăng, pơvih pơvăn, jang pơgang tơ̆ tơring, tơklep hăm 4 trong jang tơm, 3 tơring jang mŭk drăm păng 4 tơdrong jang tŏk, iŏk tơdrong tơmât jên man anih jang, pơm trong hơdrol vă jang tŏk.

Pơma nơ̆r pơtho tơ̆ Hop akŏm, Phó Thủ tướng Trần Hồng Hà akhan, Tơproh trong jang ăn dêh char gô pơjing jơhngâm pran, tưk tơiung tơdrong ‘lơ̆ng ‘nao ăn Điện Biên. Mă lei, ‘nâu jĭ hơyak blŭng a đĕch, Điện Biên athei năng kăl truh tơdrong bơ̆ jang mă ‘lơ̆ng tơdrong Tơproh trong jang năm truh trong jang tŏk rơgŏh ‘lơ̆ng, pran kơjăp, tơgăl hăm dôm tơdrong ‘lơ̆ng hlôi đei.