Tơring 2 Linh duk pơtơm “Têt pơtăm ‘long tơƀlŏk kơ Ƀok Hô” Puih mak Giáp Thìn 2024
Thứ năm, 11:03, 15/02/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Năr 14/02, tơ̆ pơlei tơm Vũng Tàu, dêh char Bà Rịa - Vũng Tàu, Anih tơm pơgơ̆r Linh Tơring 2 Linh duk atŭm hăm dôm anih jang lơ̆m tôm kăng kư̆ Long Sơn hlôi pơgơ̆r Lêh pơtơm “Têt pơtăm ‘long tơƀlŏk kơ Ƀok Hô” kăp gĭt sơng kơ kuh 65 sơnăm Năr Kơdră Hồ Chí Minh pơtơm “Têt pơtăm ‘long” (1959-2024), pơm kiơ̆ tơdrong pơtăm 1 tih tơm ‘long “Kơyuơ minh Việt Nam jơk” đơ̆ng Thủ tướng teh đak tơlĕch.
Tơchơ̆t tơdrong kăp gĭt kơ ‘năr lêh, Đại tá Lê Bá Quân, Phŏ Kơdră Anih linh – Kơdră tơgŭm jang ăn Tơring 2 Linh duk pơkăp dôm jăl pơgơ̆r linh pơtoi pơgơ̆r jang tơnăp tơdrong tơroi tơbăt, pơtho pơhrăm hăm đe kang ƀô̆, khul linh gah tơdrong kăp gĭt kơ pơtăm ‘long; tơdrong pơyua kăp gĭt, tôm tơdrong, đunh đai, kơjă đon bơnôh kon bơngai kơ tơdrong pơtăm păng vei lăng tơm ‘long jơk trŏ hăm pơkăp kơ anih linh, teh, hơyuh tŏ ‘mi, hơdrĕch ‘long pơtăm.
Đại tá Lê Bá Quân ăn tơbăt: Lơ̆m khei năr truh, Anih tơm pơgơ̆r linh Tơring 2 Linh duk păng dôm anih linh mă po vei lăng gô pơtoi pơtăm ‘nao hloh 3.000 tơm ‘long vă pơjing cham char, anih linh gơh hơgei rơgoh ‘lơ̆ng.
Viết bình luận