Tơ̆ pơtâ̆p pơhrăm kơ teh đak đei pơgơ̆r đơ̆ng năr 21/8 truh năr 1/9 kơ 8 dêh char tơring Tŏk bŏk  – Tây Nguyên hlôi băt đei 280 anih ưh đei sơđơ̆ng, lơ̆m noh đei 202 anih ưh sơđơ̆ng hli hlơt, lơ hloh 2 'măng dôm anih ưh sơđơ̆ng đei ƀôh lơ̆m dôm 'măng pơtâ̆p pơhrăm ah sơnăm 2022. Tơdrong âu ăn ƀôh, dôm tơdrong tơdrŭt lơ̆m mạng roi năr roi lơ, tơdrong hli hlơt roi năr roi tŏk lơ.

Khul jang vei sơđơ̆ng mạng pơkăl athei hơtŏk tơdrong hlôh vao păng tơdrong hơbĕch hơbal. Pơtâ̆p pơhrăm jing 1 lơ̆m dôm trong jang tơnăp lơ̆m hơtŏk hơbĕch ăn khul jang gah tơdrong vei sơđơ̆ng tơroi tơbăt tơring vă hơmet pơ-'lơ̆ng tơdrong mă âu. Pơtâ̆p pơhrăm vei sơđơ̆ng tơroi tơbăt tơring Tŏk bŏk – Tây Nguyên sơnăm 2023 pơgơ̆r lơ̆m 5 năr. Dôm bơngai pơhrăm noh oei jang lơ̆m anih tơroi tơbăt đei pơm jang tơ̆ Đăk Lăk.