Ƀok Nguyễn Phú Trọng, rơneh năr 14 khei 4 sơnăm 1944; pơlei pơla: xah Đông Hội, apŭng Đông Anh, pơlei tơm Hà Nội. Oei hơdrih ah hnam kơsô̆ 5 kơphô̆ Thiền Quang, phương Nguyễn Du, kuâ̆n Hai Bà Trưng, pơlei tơm Hà Nội. Pơtơm mơ̆t jang ah năr 05 khei 12 sơnăm 1967; mơ̆t jang Đảng ah năr 19 khei 12 sơnăm 1967.

TƠDRONG PƠM JANG

Khei 12/1967: Ƀok jang kan ƀô̆ Anih chih akŏm Tạp chí Học tập (dang ei noh Tạp chí Cộng sản); năr 19 khei 12 sơnăm 1967, ƀok đei tơmơ̆t jang Đảng Cộng sản Việt Nam.

Khei 8/1968 – Khei 8/1973: Ƀok jang kan ƀô̆ chih akŏm hơmet tơ̆ Tạp chí Cộng sản; năm hơlen jang tơ̆ apŭng Thanh Oai, dêh char Hà Tây (dang ei noh Hà Nội); jang Ƀĭ thư Chi đoàn Anih jang Tạp chí Cộng sản.

Khei 9/1973 – Khei 4/1976: Ƀok hŏk hơlen gah khua Kinh tê̆ - Chĭnh trĭ tơ̆ Hnam trưng Đảng kao kâ̆p Nguyễn Ái Quốc (dang ei noh Hŏk viê̆n Chĭnh trĭ Kuôk ya Hồ Chí Minh).

Khei 5/1976 – Khei 8/1980: Ƀok jang kan ƀô̆ chih akŏm hơmet gah Pơ-‘lơ̆ng Đảng, Tạp chí Cộng sản, jang Phŏ Ƀĭ thư Chi ƀô̆.

Khei 9/1980 – Khei 8/1981: Ƀok pơhrăm nơ̆r Nga tơ̆ Hnam trưng Đảng kao kâ̆p  Nguyễn Ái Quốc.

Khei 9/1981 – Khei 7/1983: Ƀok pơhrăm păng tơbang luâ̆n án Phó tiến sĩ (dang ei noh Tiến sĩ) Khua hŏk lĭch sử (juăt jang gah Pơ-‘lơ̆ng Đảng) tơ̆ Viê̆n Hàn lâm Khua hŏk xah hô̆i Liên Xô, oei lơ̆m Ƀan châ̆p hanh Trung ương Đảng Cộng sản Liên Xô.

Khei 8/1983 – Khei 8/1987: Ƀok jang Phŏ Kơdră Anih chih akŏm Pơ-‘lơ̆ng Đảng, Tạp chí Cộng sản.

Khei 9/1987 – Khei 02/1989: Ƀok jang Kơdră Anih chih akŏm Pơ-‘lơ̆ng Đảng; Phŏ Ƀĭ thư anih jang Đảng (đơ̆ng khei 7/1985 – khei 12/1988), Ƀĭ thư Anih jang Đảng kơ anih jang Tạp chí Cộng sản (đơ̆ng khei 12/1988 – khei 12/1991).

Khei 3/1989 – Khei 4/1990: Ƀok jang lơ̆m Anih Chih akŏm hơmet kơ Tạp chí Cộng sản.

Khei 5/1990 – Khei 7/1991: Ƀok jang Phŏ kơdră anih Chih akŏm hơmet Tạp chí Cộng sản.

Khei 8/1991 – Khei 8/1996: Ƀok jang Kơdră dơnơm chih akŏm hơmet hla bar tơroi Tạp chí Cộng sản.

Tơ̆ Hop akŏm bơngai tang măt jơ̆p teh đak ah tong hơnê̆ jăl jang mă 7 kơ Đảng (khei 01/1994), Ƀok đei pôk jang lơ̆m Ƀan châ̆p hanh Trung ương Đảng. Ƀok pơm jang lơ̆m Ƀan châ̆p hanh Trung ương Đảng Cộng sản Việt Nam lơ̆m dôm jăl 7, 8, 9, 10, 11, 12, 13.

Khei 8/1996 – Khei 02/1998: Ƀok jang Phŏ Ƀĭ thư Thanh uy Hà Nội, jang hloi Kơdră jơnŭm Asong bơngai jang Đăi hŏk păng kơtă pơgơ̆r gah Anih jang Tuyên giáo Thanh uy Hà Nội.

Tơ̆ Hop akŏm mă 4 Ƀan châ̆p hanh Trung ương Đảng jăl 8 (khei 12/1997), Ƀok đei pôk jang lơ̆m Anih tơm Chĭnh trĭ. Ƀok pơm jang lơ̆m Anih tơm Chĭnh trĭ dôm jăl 8, 9, 10, 11, 12, 13.

Khei 02/1998 – Khei 01/2000: Ƀok pơgơ̆r gah tơdrong jang Đon tơchĕng – Joh ayŏ păng Khua giáo kơ Đảng.

Khei 3/1998 – Khei 11/2006: Ƀok jang Phŏ Kơdră Jơnŭm jang Lĭ luâ̆n Trung ương; Kơdră Jơnŭm Lĭ luâ̆n Trung ương, pơgơ̆r tơdrong jang pơma xa lĭ luâ̆n kơ Đảng (khei 11/2001 – khei 8/2006).

Khei 8/1999 – Khei 4/2001: Ƀok Vang jang lơ̆m anih juăt jang kơ Anih tơm Chĭnh trĭ, Ƀan châ̆p hanh Trung ương Đảng Cộng sản Việt Nam.

Khei 01/2000  - Khei 6/2006: Ƀok jang Ƀĭ thư thanh uy Hà Nội dôm jăl 12, 13, păng 15.

Khei 5/2002 – truh dang ei: Ƀok jang tang măt ăn Kuôk hô̆i dôm jăl 11, 12, 13, 14 păng 15.

Khei 6/2006 – Khei 7/2011: Ƀok jang Kơdră Kuôk hô̆i teh đak Cộng hoà xã hội chủ nghĩa Việt Nam jăl 11, 12, jang Ƀĭ thư Đảng đoan Kuôk hô̆i, jang lơ̆m Jơnŭm vei sơđơ̆ng Tơpôl Teh đak.

Khei 01/2011 – truh dang ei: Ƀok jang Tổng Bí thư Ƀan châ̆p hanh Trung ương Đảng Cộng sản Việt Nam dôm jăl 11, 12, 13, jang Ƀĭ thư Kuân uy Trung ương.

Khei 02/2013 – truh dang ei: Ƀok jang Kơdră Jơnŭm pơgơ̆r Trung ương gah tang găn păng tơjră xa pơjĭp kơnê̆.

Khei 8/2016 – truh dang ei: Ƀok vang jang lơ̆m Anih Juăt jang kơpal Đảng uy Kŏng an Trung ương jăl jang 2015 - 2020 păng 2020 - 2025.

Khei 10/2018 - 4/2021: Ƀok jang Tổng Bí thư, Kơdră teh đak cộng hoà xã hội chủ nghĩa Việt Nam jăl jang 2016 - 2021; Kơdră Jơnŭm vei sơđơ̆ng Tơpôl Teh đak.

Khei 4/2021 – truh dang ei: Ƀok jang Tổng Bí thư Ƀan châ̆p hanh Trung ương Đảng Cộng sản Việt Nam, Ƀĭ thư Kuân uy Trung ương, jang lơ̆m Anih Juăt jang kơpal Đảng uu Kŏng an Trung ương, Kơdră Jơnŭm pơgơ̆r Trung ương gah tang găn păng tơjră xa pơjĭp, kơnê̆.

Kơlih  đei tơgop tih tên păng kăp gĭt gơh hơgei hăm tơdrong jang kăch mạng kơ Đảng, kơ hơdrung hơdrĕch, Ƀok đei Đảng păng Jơnŭm pơgơ̆r teh đak pôk ăn Mê đai Sao vàng (Hơnlŏng Dreng Maih), Mê đai 55 sơnăm jang Đảng păng lơ mê đai kăp gĭt nai kơ teh đak Việt Nam păng lơ̆m apŭng plenh teh: "Mê đai Mah kơ teh đak" đơ̆ng Ƀok Kơdră teh đak Cộng hoà Dân chủ nhân dân Lào, "Mê đai Tơbôl" kơ Đảng păng Teh đak Cộng hoà nhân dân Trung Hoa, "Tơmam hơpah Lênin" tơmam hơpah kăp gĭt hloh đơ̆ng Ƀan châ̆p hanh Trung ương Đảng Cộng sản Liên bang Nga; "Mê đai José Marti" đơ̆ng Đảng, Teh đak Cộng hoà Cu Ba păng lơ tơmam pôk kăp gĭt nai.