Tơ̆ xăh Ea Hiu păng Ea Yiêng, apŭng Krông Pắch, tơdrong tơroi tơbăt akŏm găh tang găn teh dong băl lơ̆m ŭnh hnam ăn drŏ nglo, drŏ kăn hơdruh tơdăm păng ŭnh hnam mơlôh. Oei tơ̆ xăh Ea Rốc, apŭng Ea Sup, akŏm tơroi tơbăt găh hơtŏk hơnăp jang đơ̆ng bơngai pơgơ̆r pơlei, bơngai đei đe lui yom lơ̆m tơpôl lơ̆m tang găn teh dong băl lơ̆m ŭnh hnam.

‘Moi kiơ̆ pơm tông, hơdai hăm vang tơroi tơdrong hlôh vao păng pơma dơnuh kơtă, tơdrong tơroi tơbăt akŏm găh tơdrong iŏk ŭnh om hrôih, teh dong băl lơ̆m ŭnh hnam lơ̆m tơpôl hrei ‘nâu; trong pơma xa mưh đei ƀôh teh dong băl lơ̆m ŭnh hnam, hơnăp jang đơ̆ng kră pơlei, bơngai pơgơ̆r pơlei, bơngai đei đe lui yom lơ̆m tơdrong jang kiơ̆ tang găn teh dong băl lơ̆m ŭnh hnam. Roi tơbăt dôm tơdrong hơgăt đơ̆ng khôi luơ̆t găh tang găn teh dong băl lơ̆m ŭnh hnam, dôm hơnih sơng iŏk roi tơbăt, tơkêng teh dong băl lơ̆m ŭnh hnam; tơdrong kăl sek tơlang pơ ‘lơ̆ng lơ̆m tang găn teh dong băl lơ̆m ŭnh hnam.