Tơ̆ apŭng Ia Hơdrai, dêh char Kon Tum, Ban Bí thư Trung ương Đoàn Hơdruh tơdăm Cộng sản Hồ Chí Minh hlôi pôk ăn trong jang sa kơjă kơjên 2 ti hlak jên tơgŭm djru vă đoàn viên, hơdruh tơdăm tơring atŏk tơ iung muk drăm; pôk ăn 20 tơnô̆ kon jên hŏk pơhrăm, mĭnh tơnô̆ kơjă 2 triu hlak jên ăn rim oh hŏk tro dơnuh hŏk hơgei; 30 tơnô̆ tơmam drăm ăn kŏng nhân Kŏng ty ksu Chư Mo Ray păng Kŏng ty Ksu Sa Thầy. 

Tơ̆ Pơgơ̆r “Puih mak sơlam teh đak-Têt đak dơsĭ achon dơsĭ” tơklep hăm vei lăng năng tông Têt ăn hơdruh tơdăm kŏng nhân, bơngai jang đei pơgơ̆r tơ̆ tơring Mô Rai, apŭng Sa Thầy, Ban Bí thư Trung ương Đoàn Hơdruh tơdăm Cộng sản Hồ Chí Minh pôk ăn 20 tơnô̆ tơmam drăm ăn bơngai đei kon pơlei yom lơ̆m kon pơlei kon kông; pôk ăn 2 tŏ kmăi tinh, ăl loa ăn Hơnih Đoàn tơring Mô Rai.

Ƀlep lơ̆m khei năr Têt joăt joe kơ hơdrĕch hơdrung, Ban Bí thư Trung ương Đoàn Hơdruh tơdăm Cộng sản Hồ Chí Minh atŭm hăm Hơnih Đoàn dêh char Kon Tum hlôi năm ngôi, hmach Têt hơlêm jơhngơ̆m đon, pôk ăn dôm tơmam drăm gĭt kăl ăn kang ƀô̆, kŏng ang tơring Ia Dom hăm Kơđông Ƀô̆ đô̆i vei lăng sơlam teh đak tơring Ia Dom, apŭng Ia H’Drai.