‘Nau jĭ tơdrong jang hơdăh kơ hơdruh tơdăm Việt Nam vă tơbăt hơdăh hơnăp jang kơ hơdruh tơdăm hăm tơdrong pơm tơm kơ Teh đak. Pơm lêh tơlĕch jang đei tơgoăt hăm 10 hơnih pơdăh trư̆k tuyên Trung ương tơ̆ 10 dêh char, pơlei tơm lơ̆m teh đak.

Tơ̆ Pơm lêh ‘Măng hơvơn “Hưch hanh hơmanh bơnê mĭnh hơmon kông”, 1.300 ‘nu đoàn viên, hơdruh tơdăm, hŏk tro kơ pơlei tơm Đà Nẵng hlôi pơdăh pơlăp rup hla kak Việt Nam. ‘măng hơvơn “Hưch hnah hơmanh bơnê mĭnh hơbon groi kông” tơlĕch jang vă pơtho tơbăt jơhngơm đon hưch hanh hơmanh bơnê kơ teh đak, jơhngơ̆m đon hlôh vao găh tơdrong pơm tơm teh đak, hơdrĕch hơdrung; pơrô̆ pơrôp, pơgơ̆r ăn đoàn viên, hơdruh tơdăm, hơ ioh hơtol hla kak Việt Nam tơ̆ hơnih hŏk pơhrăm, hơnih bơ̆ jang. Ƀlep lơ̆m jơ ‘năr au, Trung ương Đoàn Hơdruh tơdăm Cộng sản Hồ Chí Minh pôk ăn 20 hlak hla kak (kơloăi A1) ăn bơngai tang măt kon pơlei rôp ka hơdang, khul ƀô̆ đô̆i vei lăng sơlam teh đak, hơdruh tơdăm, công nhân, ƀok thây kô, hŏk tro ... păng 50.000 hla kak (kơloăi A0) pôk ăn Hơnih Đoàn dêh char, Pơlei tơm, rim hơnih đoàn păng pôk ăn 5.000 hla kak ăn Hơnih Đoàn pơlei tơm Đà Nẵng.