Kŏng an pơlei tơm hlôi pơtruh 50 kang ƀô̆, khŭl lĭnh hăt hot truh tơ̆ hơnih ŭnh sa jang hơdai hăm dôm khŭl lĭnh nai kơ khŭl kơdră tơring păng kon pơlei pơgơ̆r pĭt ŭnh sa. Truh tŏk bŏk gơmăng, dôm anih jang hlôi gơh mơ̆t tơ̆ hơnih ŭnh sa, tơlĕch jang pĭt ŭnh sa, tang găn ŭnh sa mơ mrok kŭm hăm khŭl jang dăr hơlen tơchă, dŏng bơngai đei răm.

Ŭnh sa hlôi sa tôch kơ dêh , sa pơdoh lơ gre hon đa, gre tang vang điện, gre tang vang tơ̆ cham, ‘nhui păng hơyuh pơnhŭl dom ƀĕnh pơđĭ hơnih. Dôm khŭl lĭnh hlôi pơgơ̆r phă khoă, mơ̆t tơ̆ lơ̆m hnam păng dŏng đei 7 ‘nu đom, lơ̆m noh đei 3 ‘nu rơka đei ba năm hơmet tơ̆ hnam pơgang. Truh 1 jơ 26 pơnĭt pơgê, ŭnh sa đei pĭt păt pơđĭ. Kiơ̆ đơ̆ng tơchă, tam mă tôm đe khŭl lĭnh chă ƀôh 14 ‘nu lôch.