Vă jê̆ 1.000 tấn phe đơ̆ng Khŭl kơdră teh đak truh hăm dôm ŭnh hnam mơmat tat tơ̆ Dak Lak năr Tết 2024
Thứ tư, 10:16, 07/02/2024
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Lơ̆m 2 năr ‘năr 6 – 7/2 (vă khan ‘năr 27– 28 Tết), Anih mong răk Teh đak tơring Pơbăh Tây Nguyên jang hơdai hăm Anih vei lăng bơngai jang lĭnh jĭ rơka păng tơpôl dêh char Dak Lak tơlĕch jang asong phe ăn kơ dôm ŭnh hnam mơmat tat tơ̆ dêh char ‘nâu vă tơgŭm phe dŏng pơngot năr Tết Nguyên đán 2024.
Kiơ̆ kơ ‘noh, lơ̆m ‘măng âu, tơ̆ dêh char Dak Lak gô đei 16.290 ŭnh hnam hăm 61.342 ‘nu bơngai găh 12 apŭng tơ̆ dêh char đei tơgŭm phe dŏng pơngot đơ̆ng Khŭl kơdră teh đak năr Tết Nguyên đán Giáp Thìn 2024. Mĭnh ‘nu gô đei iŏk 15 kĭ.
Akŏp kơ sô̆ phe asong ‘măng âu ‘noh hloh 920 tấn. Đơ̆ng rŏng kơ sơng iŏk nơ̆r athei đơ̆ng Thủ tướng teh đak, rim anih jang lơ̆m dêh char Dak Lak pơgơ̆r dăr hơlen chih hơnăn dôm ŭnh hnam mơmat tat vă pơgơ̆r asong phe ăn Kon pơlei. Tơdrong asong phe đei bơ̆jang vei sơđơ̆ng ‘lơ̆ng, tôm, ƀlep bơngai păng khei ‘năr asong pơtôch lơ̆m kơsơ̆ ‘năr 28 Tết.
Viết bình luận