Ưh khan lăp ‘măng vă krao hơvơn đĭ đăng kon pơlei vang pơhrăm tơplŏng kơdâu, roi tơƀôh um rup Buôn Ma Thuột - Dak Lak truh hăm kon pơlei păng tơmoi, pơlong kơdâu Dak Lak  marathon oei đei tơdrong ‘lơ̆ng tơpôl hăm tơdrong pơm jên mong vă asong hŏk ƀŏng, ƀao hiêm pơgang ăn hŏk tro đei tơdrong arih sa mơmat tat păng tơgŭm man hnam ‘mêm mơnat ăn dôm ŭnh hnam teh đak tơgŭm mơmat tat găh hnam oei.

Pơtôch pơlong, Khŭl pơgơ̆r hlôi pơjao dôm jơnei mă mônh, ƀar, pêng ăn dôm bơngai pơlong pran hloh tơ̆ 3 cự ly. Hơdai hăm pơjao jên tơgŭm man 1 pôm hnam ‘mêm mơnat, tơgŭm jên mong hŏk ƀŏng Tơk hơdăh tơdrong hơ pơi ‘meh vă đơ̆ng Anih jang Đoàn dêh char Dak Lak, asong chơ khŏ, gre tang vang păng tơmam ăn hŏk tro dơnuh hin yak hloh mơmat tat.