Hăm hơnăn "Vưch ƀôh Lâm Đồng tơ̆ Hà Nội", Năr jŏh ayŏ kơ dŏ xoang đei 7 tơdrong tôch hơiă: Tơguăt jŏh ayŏ kơ dŏ xoang – Chă tơmang lăng – Tĕch mơdro dêh char Lâm Đồng; Pơih pơgơ̆r tơdrong jŏh hơrio hơxoang; Ming pơdă roi tơbăt jŏh ayŏ kơ dŏ xoang chă tơmang lăng, anih jang, hnam so kăp gĭt, tơmam OCOP, choh jang xa; Pơdă tơƀôh tơdrong tơproh trong jang kơ dêh char Lâm Đồng - Đà Lạt; Anih roi tơƀôh, ming pơdă, roi tơbăt tơdrong’lơ̆ng đơ̆ng joh ayŏ kơ dŏ xoang tơ̆ tơring; Anih nhă đak tra păng pơdă tơmam đơ̆ng hla che.

‘Nâu jĭ tơdrong gĭt kăl vă roi tơbăt dôm tơdrong ‘lơ̆ng đei hơdrô̆ găh jŏh ayŏ kơ dŏ xoang, kon bơngai păng chă tơmang lăng Đà Lạt - Lâm Đồng. Tơdrong ‘nâu hơnhăk ba ăn tơmoi lơ̆m teh đak păng đơ̆ng teh đak đe kŭm nhen kon pơlei Hà Nội lơ tơdrong ‘lơ̆ng vă chă hơlen năng dôm tơdrong ‘lơ̆ng hơiă tơ̆ groi teh đơ̆ng tơring groi kông âu.