Kiơ̆ đơ̆ng Hơnih vei lăng kon pơlei dêh char Lâm Đồng, kơ yuơ kơ ‘năr tơplih kơtang, ‘mi tih atŭm hăm trong hông hang krang nak Prenn Đà Lạt teh ưh kơjăp, teh krang kơtang, tôch ƀônh pơm ăn teh tơdrŭt păng hơmơt kơtang pơm ưh sơđơ̆ng lơ̆m ming man trong au.

Vă tơdrong jang ming man keh đang ƀlep trong pơprŏ jang, sơđơ̆ng ăn bơ̆ jang ming man, Hơnih vei lăng kon pơlei dêh char Lâm Đồng athei Hơnih chĕp pơgơ̆r vei lăng tơdrong vă jang ming man trong nơnăm dêh char pơrô̆ athei hơnih iŏk jang ming man hơvơn lơ bơngai, gre kmăi kmŏk iung jang tĕnh koăng. Lơ̆m au jang kiơ̆ kơjăp trong jang vei lăng năng tông sơđơ̆ng jang ming man, tơbăt tơtom mư̆h đei ƀôh hơmơt đei tơdrong. Atŭm hăm ‘noh, trong glung, ŭnh hơyuh tơ̆k hơdăh, trong dŏng tơgŭm, sơđơ̆ng rơgoh ‘lơ̆ng, măt lăng ‘lơ̆ng hơ hơnih ming man ... vă tơmơ̆t ăn rok jăl trong hlung đơ̆ng Hơnih tơmang pơhiơ̆ chơkơi Datanla truh tơ̆ kơl trong hông hang krang nak Prenn (tơjê̆ hơnih gre dơ̆ng dêh char) hơdrol năr 30/07/2023.