Tơ̆ tơring sơlam kơ dêh char Đak Lăk, Anih jang Unh hơyuh Ea Súp oei vei lăng hloh 21.000 anih yua unh hơyuh hăm tơdrong pơyua rim khei pơhlom 12 tih hlj. Mă kăl, anih jang oei asong unh hơyuh ăn 9 kơđông linh vei sơlam teh kơ Việt Nam păng Campuchia. Hăm tơring bri kông lơ, teh să, kon pơlei hơrih rah rai, trong nơnăm tơnap tap, Kang ƀô̆ bơngai jang lơ̆m anih jang unh hơyuh adoi hơnơ̆ng năm akŏm hŏk hôp tơ̆ thôn vă pơma dơnuh hăm kon pơlei, tơroi gah tơdrong yua unh hơyuh, tơroi gah dôm tơdrong kăl băt truh unh hơyuh.

Anih jang adoi hơbĕch chă tơplih dôm trong iŏk jên yua unh hơyuh vă trŏ hăm tơdrong hơrih kon pơlei tơ̆ tơring sơlam, dar deh tơgŭm kon pơlei tơrĕk truh dôm tơdrong kăl băt gah iŏk yua unh hơyuh.